Keflavík tók á móti Þrótti á HS Orku vellinum í kvöld þegar önnur umferð Lengjudeildarinnar hóf göngu sína.
Aðstæður buðu ekki upp á fallegan fótbolta og það voru Þróttarar sem náðu inn sigurmarki í lokin.
Lestu um leikinn: Keflavík 0 - 1 Þróttur R.
„Svekkelsi að tapa á heimavelli" sagði Haraldur Freyr Guðmundsson þjálfari Keflavíkur eftir tapið í kvöld.
„Scrappy leikur, aðstæður kannski frekar erfiðar. Völlurinn þungur og mikið rok og rigning á annað markið en fyrst og fremst bara svekktur"
Keflavík lenti einum manni færri undir lok fyrri hálfleiks þegar Nacho Heras fékk tvö gul á örskömmum tíma eftir smá reykistefnu þegar Keflavík vildi fá vítaspyrnu.
„Við viljum meina að við eigum að fá víti og þar sem ég stóð og sá þetta þá fannst mér þetta vera klárt víti og eðlilega verða menn þá pirraðir yfir því"
„Nacho mótmælti dómnum og hefur sagt eitthvað við hann. Ekki nóg með það að hann hafi fengið gult heldur þá fær hann annað gula strax aftur fyrir kjaft líka. Hvað hann sagði veit ég ekki en væntanlega eitthvað á spænsku og ef hann hefur metið það þannig að það væri rautt spjald þá er það rautt spjald"
„Seinni hálfleikur er að okkar hálfu vel spilaður og góð frammistaða. Við erum undan vindi og erum búnir að 'suffera' fyrri hálfleikinn á móti vindi og í seinni hálfleik þó að við séum einum færri þá var það oft á tíðum ekki að sjá og ég er bara gríðarlega ánægður með liðið okkar í seinni hálfleiknum en því fór sem fór"
Góðu fréttirnar fyrir Keflavík eru þær að það eru enn 20 leikir eftir þrátt fyrir svekkjandi tap í kvöld.
„Jájá, mótið er bara nýbyrjað og fullt af stigum eftir, þetta verður bara gaman"
Nánar er rætt við Harald Freyr Guðmundsson í spilaranum hér fyrir ofan.
| Lið | L | U | J | T | Mörk | mun | Stig |
|---|---|---|---|---|---|---|---|
| 1. ÍR | 10 | 6 | 4 | 0 | 18 - 5 | +13 | 22 |
| 2. Njarðvík | 10 | 5 | 5 | 0 | 24 - 10 | +14 | 20 |
| 3. HK | 10 | 5 | 3 | 2 | 19 - 11 | +8 | 18 |
| 4. Þór | 10 | 5 | 2 | 3 | 25 - 17 | +8 | 17 |
| 5. Þróttur R. | 10 | 4 | 3 | 3 | 18 - 17 | +1 | 15 |
| 6. Völsungur | 10 | 4 | 1 | 5 | 16 - 23 | -7 | 13 |
| 7. Keflavík | 9 | 3 | 3 | 3 | 16 - 12 | +4 | 12 |
| 8. Grindavík | 9 | 3 | 2 | 4 | 23 - 25 | -2 | 11 |
| 9. Fylkir | 10 | 2 | 4 | 4 | 14 - 15 | -1 | 10 |
| 10. Leiknir R. | 10 | 2 | 3 | 5 | 12 - 24 | -12 | 9 |
| 11. Selfoss | 10 | 2 | 1 | 7 | 8 - 21 | -13 | 7 |
| 12. Fjölnir | 10 | 1 | 3 | 6 | 11 - 24 | -13 | 6 |
