„Já og nei, stig er stig og skipti kannski máli í lok móts þannig að við verðum að virða það. Þrjú stig hefði alltaf verið gott og á meðan að liðin í kringum okkur eru að vinna sína leiki er afskaplega mikilvægt að við förum að vinna líka. Það er erfitt að kyngja þessu en við verðum bara að fara í bátinn og róa í sömu átt.“
Sagði Andri Hjörvar Albertsson þjálfari Þórs/KA aðspurður hvort hann væri sáttur með stig eftir jafntefli hans kvenna gegn Þrótti á Eimskipsvellinum í kvöld.
Sagði Andri Hjörvar Albertsson þjálfari Þórs/KA aðspurður hvort hann væri sáttur með stig eftir jafntefli hans kvenna gegn Þrótti á Eimskipsvellinum í kvöld.
Lestu um leikinn: Þróttur R. 1 - 1 Þór/KA
Norðanstúlkur áttu í vök að verjast stóran hluta leiks og er ekki ósanngjarnt að segja að Þróttur hafi stýrt leiknum að stærstum hluta. Kom lið Þróttar Andra á óvart?
„Nei alls ekki. Við vissum alveg hvernig þær spila og hvað þær geta og þær gerðu það bara mjög vel hér í dag. Þær komust alltof oft upp kantanna og áttu fyrirgjafir og lágu á okkur undir lokin. En sem betur fer voru okkar stelpur duglegar að henda sér fyrir boltana fórna sér. Vinnuframlagið upp á 10 hvað það varðar.“
Botnbaráttan þéttist bara við úrslit kvöldsins og ljóst að spennan verður mikil fram á síðustu stundu eins og Andri komst að orði.
„Lið eru að vinna leiki og taka stig hvort af öðru þannig að þetta verður allt til loka alveg hrikaleg barátta.“
Allt viðtalið má sjá hér að ofan.
Athugasemdir
