Varnarmaðurinn William Saliba mun líklega spila sinn fyrsta úrvalsdeildarleik fyrir Arsenal á laugardag gegn Fulham.
Saliba var í láni hjá St. Etienne á síðustu leiktíð en hann hefur heillað Mikel Arteta, stjóra liðsins, á undirbúningstímabilinu.
David Luiz er að glíma við smávægileg meiðsli og er útlit fyrir að hann verði ekki klár í opnunarleik deildarinnar.
Samkvæmt enskum miðlum eru góðar líkur á að Saliba byrji leikinn um helgina sem hefst klukkan 11:30.
Arsenal stillti upp fimm manna vörn í Samfélagsskildinum gegn Liverpool en Luiz lék þar með Kieran Tierney og Rob Holding.
Saliba er aðeins 19 ára gamall en hann kostaði Arsenal 27 milljónir punda.
Athugasemdir