Þórdís Hrönn Sigfúsdóttir og stöllur í kýpverska liðinu Apollon Ladies FC eru dottnar úr keppni í Meistaradeild Evrópu eftir tap í Úkraínu.
Apollon heimsótti Zhytlobud-1 eftir að hafa tapað fyrri leiknum á heimavelli, 1-2. Þórdís Hrönn byrjaði seinni leikinn í dag en Kýpverjar áttu aldrei möguleika og lentu þremur mörkum undir.
Þórdísi var skipt útaf á 68. mínútu, í stöðunni 3-1, en samanlagt vann úkraínska liðið 5-2 og tryggði sér þar með sæti í fyrstu riðlakeppni í sögu Meistaradeilar kvenna.
Arsenal gerði slíkt hið sama á útivelli gegn Slavia Prag og skoraði hollenska stórstjarnan Vivianne Miedema, sem kíkir til Íslands með hollenska landsliðinu seinna í september, þrennu í síðari hálfleik.
Arsenal vann 4-0 úti í Tékklandi en fyrri leikurinn vannst 3-0 í London og samanlagt því 7-0.
Zhytlobud-1 3 - 1 Apollon Limassol (5-2 samanlagt)
Slavia Prag 0 - 4 Arsenal (0-7 samanlagt)
Athugasemdir