Okkar leikplan var að gera allt til þess að halda hreinu
Ég bað hann um það fyrir leikinn að ég vildi fá meira frá honum og hann svaraði kalli þjálfarans í dag
Ég er ánægður með þetta verkefni og hvernig við erum að þróa okkar leik og það er stemning í kringum þetta
„Ég er mjög sáttur, við erum búnir að fá alltof mikið af mörkum á okkur og okkar leikplan var að gera allt til þess að halda hreinu. Ég var viss um að ef við myndum gera það þá myndum við alltaf skapa færi og skora mörk líka. En þetta þurfti að byrja varnarlega og ég er mjög ánægður með það í dag," sagði Ian Jeffs, þjálfari Þróttar, eftir sigur á Þór í dag.
Lestu um leikinn: Þróttur R. 3 - 0 Þór
Sveinn Óli í marki Þróttara þurfti einungis að verja eitt skot í leiknum og kom það eftir að Þróttur komst í 3-0.
„Hann þurfti að gera lítið í dag, en það sem hann þurfti að gera gerði hann vel. Það var eins með alla í dag, við vorum mjög gíraðir í leikinn eftir svekkelsi gegn Selfossi og Njarðvík. Mér fannst sigurinn sanngjarn."
Þróttarar fóru í þriggja miðvarða kerfi í þessum leik.
„Við vorum búnir að breyta tvisvar á tímabilinu og mér fannst það hafa gengið á þeim köflum sem við breyttum. Við hugsuðum um að gera eitthvað til að hjálpa varnarleiknum og mér fannst þetta hafa jákvæð áhrif á liðið í dag."
Guðmundur Axel Hilmarsson er ríflega tveir metrar á hæð og var að valda usla í varnarlínu Þórsara. Þróttarar voru duglegir að vinna í kringum hann og átti hann þátt í fyrsta markinu; með því að fá varnarmenn Þórsara í kringum sig og svo átti hann næst síðustu sendingu í öðru marki liðsins.
„Við vorum ekki að spila eins mikinn fótbolta og við höfum verið að gera, höfum verið að spila mjög vel en ekki verið að ná í úrslit. Í dag vorum við beinskeyttari og það hjálpaði að hafa hávaxinn mann frammi. Við vorum hættulegir allan leikinn, skoruðum þrjú og höfðum tækifæri til að skora fleiri."
Aron Snær Ingason skoraði tvö mörk í leiknum og var heilt yfir mjög öflugur. Eftir leik heyrðist úr klefa Þróttara: „Aron's on fire, your defense is terrified". „Hann var mjög góður í dag, eftir 10-15 mínútur kom hann virkilega sterkur inn í leikinn, skoraði tvö mörk og var hættulegur. Hann gerði hlutina virkilega vel. Ég bað hann um það fyrir leikinn að ég vildi fá meira frá honum og hann svaraði kalli þjálfarans í dag."
Heildarbragurinn á liði Þróttara var mjög góður og virkuðu þeir massífir í leiknum. Það hafði þó eflaust eitthvað með það að gera hversu bitlausir Þórsarar voru, en menn spila ekki betur en andstæðingurinn leyfir. Jeffsy hlýtur að vera ánægður með hvernig lið Þróttara lítur út í dag, eða hvað?
„Jú, en þetta er mjög jöfn deild. Það er rosalega erfitt að sækja þrjú stig í Lengjudeildinni í ár og það verður þannig að allir leikir verða erfiðir."
„Ég er ánægður með þetta verkefni og hvernig við erum að þróa okkar leik og það er stemning í kringum þetta. Það er góð blanda af ungum efnilegum heimastrákum og góðum erlendum mönnum."
„Ég er mjög góður með þessa blöndu, en við þurfum að halda áfram, það er bara næsti leikur og við þurfum að undirbúa okkur vel fyrir hann," sagði Jeffsy.
Næsti leikur Þróttar er gegn ÍA næsta föstudag.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
