Þórður Gunnar Hafþórsson, leikmaður Fylkis í Lengjudeildinni, hefur framlengt samning sinn við félagið en þessu greinir Hrafnkell Helgason, formaður meistaraflokksráðs Fylkis, frá á Twitter.
Þórður, sem er 21 árs gamall, er uppalinn á Ísafirði en hann gekk í raðir Fylkis árið 2020 en það sumar spilaði hann 17 leiki fyrir félagið í Pepsi Max deildinni.
Þórður hefur spilað alla leiki Fylkis í Lengjudeildinni á þessari leiktíð og óhætt er að segja að kappinn hefur átt gott sumar. Hann hefur sex sinnum verið valinn í lið umferðarinnar hjá Fotbolta.net.
Þórður á níu leiki að baki fyrir yngri landslið Íslands og hefur hann skorað eitt mark í þeim leikjum. Þá er hann kominn með fjögur mörk í Lengjudeildinni í sumar.
Fylkir er komið upp í Bestu deildina en liðið getur tryggt sér efsta sætið í Lengjudeildinni í dag með sigri á Þrótti Vogum.
Þórður Gunnar framlengir við @FylkirFC til næstu 2 ára 🖊🟠⚫️ pic.twitter.com/pEwSURwYHd
— Hrafnkell Helgason (@HrafnkellHelga7) September 10, 2022