Horfa til framtíðar eftir frekar misheppnaðan glugga

Enskir fjölmiðlar hafa fjallað um núning milli stjórans Eddie Howe og Paul Mitchell sem tók við sem yfirmaður íþróttamála í sumar. Mitchell tók við af Dan Ashworth sem fór til Man Utd.

Howe virkaði pirraður á lélegum félagaskiptaglugga í sumar. Howe talaði um að hann þyrfti að finna fyrir stuðningi frá ráðamönnum og að geta unnið eins og hann vill vinna. Fjallað var um að Mitchell væri mögulega að íhuga sína framtíð, hvort það væri best fyrir sig og Newcastle að hann myndi stíga til hliðar.

En The Telegraph segir að ef einhver vandamál hafi verið, þá sé búið að leysa málin og verið sé að leggja grunn að því að styrkja liðið í janúar.