Fótbolti.net

Birnir Snær: Alltof gott lið til að vera í fallbaráttu

Lárus Orri svekktur: Lá í loftinu að við myndum setja jöfnunarmarkið

Hallgrímur Mar: Himinlifandi að fá svona gæðaleikmann til okkar

Haddi: Ánægður með stjórnina að bakka okkur upp

Jóhann Birnir: Dálítið skrítinn leikur

Mjög ósáttur með spilamennsku Völsungs

Davíð Smári: Óþægilegt að láta fjórða dómarann garga og garga á mig

Damir: Það er bara ekkert eðlilega stressandi

Arnór Sveinn: Við þurfum bara að vera sannir okkur

Venni: Ég ætla nú ekkert að saka mína menn um að vera lélegir

„Ef það eru leikmenn sem vilja koma í Leikni þá er allt í lagi að hringja í okkur"

Halli Hróðmars svekktur: Ef það gýs í Snæfellsjökli þá er Grindavík lokað

Ásgeir Frank: Við vonandi f***** lærum af þessu

Amin grét eftir leik: Klikkuð tilfinning og ég gat ekki endað þetta betur

Arnar Grétars: Tekur alltaf einhvern tíma að stimpla eitthvað inn

„Hversu sætt er það að Amin Cosic skori úrslitamarkið í síðasta leiknum sínum og komi okkur á toppinn"

Haraldur Freyr: Skiptingar í heimsklassa

Bjarni Jó: Það voru æðri völd í landinu sem tóku þá ákvörðun

Siggi Höskulds: Kannski hentaði okkur betur að tempóið færi úr leiknum

Hemmi Hreiðars: Þeir lágu í vellinum og töfðu

mán 10. október 2022 13:06

Guðmundur Aðalsteinn Ásgeirsson
Porto

Steini: Hún taldi það best fyrir alla að hún myndi stíga út úr þessu strax

Þorsteinn Halldórsson, landsliðsþjálfari.

Mynd: Fótbolti.net - Jónína Guðjörg Guðbjartsdóttir

Elín Metta Jensen.

Mynd: Fótbolti.net - Hafliði Breiðfjörð

„Þessir dagar hafa verið fínir og það hefur gengið vel. Við höfum náð að undirbúa okkur þokkalega held ég," segir Þorsteinn Halldórsson, landsliðsþjálfari, í samtali við Fótbolta.net.

Landsliðið kom til Porto í gærkvöldi eftir að hafa verið í æfingabúðum á Algarve í nokkra daga.

Á Algarve komst liðið að því að andstæðingurinn í umspilinu fyrir HM er Portúgal og því var flogið innanlands yfir til Porto þar sem liðið æfir á keppnisvellinum í dag.

Á morgun spilar Ísland einn sinn mikilvægasta leik í sögunni er við mætum Portúgal á útivelli. Þetta er hreinn úrslitaleikur þar sem sigurliðið kemur til með að vinna sér sæti á HM sem fram fer á næsta ári - eða þá inn í annað umspil sem fram fer í Nýja-Sjálandi í febrúar á næsta ári.

„Við komum hingað snemma í gær og höfum haft það 'nice'. Það er æfing seinnipartinn og núna er hafinn lokaundirbúningur fyrir leikinn á morgun."

Hann segir að staðan á hópnum sé fín en þó hafa komið upp veikindi og er landsliðsfyrirliðinn að glíma við veikindi þessa stundina.

Elín Metta hætt og Jasmín kom inn
Það var tilkynnt á dögunum að Elín Metta Jensen væri hætt í fótbolta, en hún var í upprunalega hópnum fyrir þennan leik. Hún hætti til að einbeita sér að öðrum verkefnum og var hugurinn ekki lengur við fótboltann.

Jasmín Erla Ingadóttir, markahæsti leikmaður Bestu deildarinnar, kom inn í hópinn í hennar stað.

„Það kom mér á óvart að hún myndi hætta fyrir þennan leik. Hún taldi það best fyrir alla að hún myndi stíga út úr þessu strax. Jasmín hefur komið fínt inn í þetta og sýnt fína hluti."

Belgarnir ekki tilbúnir í bardagann
Portúgal vann heldur óvæntan sigur gegn Belgíu á dögunum en þær voru mun sterkari aðilinn í leiknum og var sigurinn mjög verðskuldaður. Úrslitin komu Steina ekki á óvart.

„Alls ekki. Portúgalska liðið er mjög agressívt og beinskeytt. Þú þarft að vera tilbúin í bardaga á móti þeim og mér fannst Belgarnir ekki vera það. Sóknarlega voru Belgarnir í vandræðum. Það vantaði tvo leikmenn sem eru framarlega hjá þeim og skipta miklu máli. Það hafði mikil áhrif," sagði Steini en allt viðtalið við hann má sjá hér að neðan þar sem hann ræðir meira um portúgalska liðið.

Við biðjumst velvirðingar á bílahljóðum í myndbandinu sem er í spilaranum hérna fyrir ofan.