Albert Guðmundsson var sýknaður af nauðgunarákæru í hádeginu í dag.
Dómur var kveðinn upp í máli Albert Guðmundssonar nú í hádeginu en hann var þá sýknaður af ákæru um nauðgun. Hann hafði verið ákærður fyrir að brjóta á konu á þrítugsaldri á síðasta ári.
Þinghald fór fram í september og var lokað eins og venjan er í kynferðisbrotamálum. Albert mætti sjálfur fyrir Héraðsdóm 12. september.
Albert hefur alla tíð neitað sök í málinu og verjandi hans gerði það sömuleiðis fyrir hönd skjólstæðings síns þegar ákæran var þingfest í héraði 3. júlí í sumar.
Albert hefur ekki verið með íslenska landsliðinu í sumar og er ekki í yfirstandandi landsliðsverkefni. Á meðan mál hans hefur verið til meðferðar hjá dómstólum hefur Albert ekki verið valinn í landsliðið.
Hann gekk í raðir Fiorentina frá Genoa í sumar.
Athugasemdir
