Katrín Ómars: Hugarfarsdæmi sem þarf að laga
Auglýsing
Katrín skoraði fyrir KR-inga sem þurftu þó að sætta sig við enn eitt tapið
Mynd: Fótbolti.net - Eyjólfur Garðarsson
Katrín skoraði fyrir KR-inga sem þurftu þó að sætta sig við enn eitt tapið
Mynd: Fótbolti.net - Eyjólfur Garðarsson
„Við erum gríðarlega svekktar. Við skorum fyrsta markið en fáum svo strax mark á okkur aftur. Mætum frekar gráðugar í seinni hálfleikinn en fáum á okkur tvö mörk og náum ekki að skora,“ sagði Katrín Ómarsdóttir, leikmaður KR, vonsvikin í samtali við Fótbolta.net eftir 3-1 tap gegn HK/Víkingi fyrr í kvöld.
KR-ingar byrjuðu vel og Katrín kom liði sínu yfir með góðum skalla snemma leiks. Það tók HK/Víkinga hinsvegar ekki nema 2 mínútur til að jafna leikinn.
„Það er rosalega erfitt að segja hvað gerist í þessu. Hvort það liggi yfir liðinu að við séum búnar að tapa sjö leikjum í röð og við kunnum það? Að við kunnum ekki að vera yfir eða vinna? Ég geri mér ekki alveg grein fyrir því. Þetta er held ég eitthvað hugarfarsdæmi sem þarf að laga,“ sagði Katrín sem fannst liðið sitt þó hafa reynt að fá eitthvað út úr leiknum og ekki verið langt frá því undir lokin.
Nú þegar mótið er hálfnað sitja KR-ingar einar á botni deildarinnar, aðeins með 3 stig. Það er erfitt mót framundan hjá Vesturbæingum en Katrín og félagar eru ekki búnar að gefast upp og ætla sér að gera betur í seinni umferðinni.
„Við unnum fyrsta leikinn og erum búnar að tapa rest. Það jákvæða er að það er heil umferð eftir og við verðum bara að gefa í.“
Hægt er að horfa á allt viðtalið við Katrínu í spilaranum hér að ofan.
„Það er rosalega erfitt að segja hvað gerist í þessu. Hvort það liggi yfir liðinu að við séum búnar að tapa sjö leikjum í röð og við kunnum það? Að við kunnum ekki að vera yfir eða vinna? Ég geri mér ekki alveg grein fyrir því. Þetta er held ég eitthvað hugarfarsdæmi sem þarf að laga,“ sagði Katrín sem fannst liðið sitt þó hafa reynt að fá eitthvað út úr leiknum og ekki verið langt frá því undir lokin.
Nú þegar mótið er hálfnað sitja KR-ingar einar á botni deildarinnar, aðeins með 3 stig. Það er erfitt mót framundan hjá Vesturbæingum en Katrín og félagar eru ekki búnar að gefast upp og ætla sér að gera betur í seinni umferðinni.
„Við unnum fyrsta leikinn og erum búnar að tapa rest. Það jákvæða er að það er heil umferð eftir og við verðum bara að gefa í.“
Hægt er að horfa á allt viðtalið við Katrínu í spilaranum hér að ofan.
