„Mér líður bara mjög vel. Ég er pínu þreyttur en gríðarlega ánægður, þetta var geggjaður sigur í dag." sagði Brynjar Gauti Guðjónsson leikmaður Fram en hann gékk til liðs til Fram frá Stjörnuna fyrr í þessum mánuði.
Lestu um leikinn: Fram 1 - 0 FH
„Við vorum mjög þéttir varnarlega, það voru eitt eða tvö skot sem þeir áttu þarna í fyrri hálfleik og í seinni hálfleik var það ekki neitt nema kannski færið hjá Steven Lennon í lokinn en annars vorum við bara gríðarlega þéttir, vörðumst vel og mikil vinnsla í liðinu."
Fram komst yfir snemma í seinni hálfleik en eftir það lagðist liðið til baka í staðin fyrir að halda áfram að reyna sækja á FH.
„Ætli það sé ekki bara blanda af báðu, menn fara reyna að verja eitthvað en svosem ætluðum ekkert að gera það. Ég hefði vilja sjá okkur stíga að aðeins meira krafti í þá þegar við skorum og hamra á járnið á meðan það var heitt en stöndum mjög vel og þeir eiga engan séns í okkur þannig séð."
Brynjar Gauti Guðjónsson var frábær í sínum fyrsta leik fyrir Fram en hann var mjög traustur í varnarlínu Fram og skallaði boltann hvað eftir annað burt eftir fyrirgjafir frá FH.
„Bara þokkalegur. Það var smá ryð í manni og langt síðan maður spilaði 90.mínútur og maður var svona aðeins að átta sig á hlutunum, hvernig liðsfélagarnir eru og hvernig þeir eru að spila en mér líður ágætlega inn í teig að fá einhverja krossa á hausinn á mér."
Viðtalið í heild sinni má sjá í sjónvarpinu hér að ofan.
