Ejub Purisevic, þjálfari Víkings getur leyft sér að vera svekktur með úrslitin í leik dagsins gegn KR á Ólafsvíkurvelli.
Mér finnst við eiga að skora í fyrri hálfleik og svo aftur í byrjun seinni hálfleiks og þá hefði leikurinn verið öðruvísi.
Mér finnst við eiga að skora í fyrri hálfleik og svo aftur í byrjun seinni hálfleiks og þá hefði leikurinn verið öðruvísi.
Honum finnst liðið hafa verið á góðu róli um sinn.
Strákarnir eru búnir að vera frábærir síðan í júní en okkur vantar bara að klára færin. Mér finnst við orðnir úrvalsdeildarlið og miklu fleiri leikmenn núna sem eru tilbúnir í að spila í úrvalsdeildinni en voru í vor.
Sérstaklega athygli hjá blaðamönnum vakti framganga Ejubs. Hann hafði verið ósáttur við störf dómaranna á meðan á leik stóð en í leikslok fór hann samhliða dómaratríóinu af velli og ákvað svo að labba að stúku heimamanna til að fá þá til að hætta að gera hróp að þeim gulklæddu. Og það tókst honum algerlega, hvað var hann að hugsa þar?
Ég ætla ekki að tala um dómara núna, ég nota aðrar leiðir til þess. En ég vill að við hér í Ólafsvík séum meiri menn og kyngjum hlutunum. Leyfum þeim að vinna sína vinnu, hvort sem hún er góð eða ekki.
Nánar er rætt við Ejub í meðfylgjandi myndbandi, um góða frammistöðu í þremur síðustu leikjum, hvernig hefur gengið að æfa í veðurhamnum á Snæfellsnesi undanfarna daga og leikjaprógrammið framundan, þ.á.m. Vesturlandsslaginn á Akranesi næstkomandi sunnudag.
Athugasemdir
