Birnir Snær skoraði tvennu fyrir KA
Aron Sigurðarson skoraði einnig tvennu fyrir KR
KA 4 - 2 KR
0-1 Aron Sigurðarson ('14 )
1-1 Ingimar Torbjörnsson Stöle ('22 )
1-2 Aron Sigurðarson ('43 )
2-2 Birnir Snær Ingason ('48 )
3-2 Birnir Snær Ingason ('52 )
4-2 Andri Fannar Stefánsson ('94 )
Lestu um leikinn
0-1 Aron Sigurðarson ('14 )
1-1 Ingimar Torbjörnsson Stöle ('22 )
1-2 Aron Sigurðarson ('43 )
2-2 Birnir Snær Ingason ('48 )
3-2 Birnir Snær Ingason ('52 )
4-2 Andri Fannar Stefánsson ('94 )
Lestu um leikinn
KA fékk KR í heimsókn í fyrstu umferð í neðri hlutanum í Bestu deildinni í dag. KR var í fallsæti fyrir leikinn og gat með jákvæðum úrslitum komist aftur upp fyrir ÍA sem vann þriðja leikinn í röð gegn Vestra í gær.
Þetta byrjaði vel fyrir KR þegar Aron Sigurðarson skoraði laglegt mark með skoti í fjærhornið. Forystan stóð ekki lengi þar sem Ingimar Torbjörnsson Stöle átti skot fyrir utan teiginn og boltinn fór í stöngina og í Arnar Frey Ólafsson, sem var í marki KR í dag, og í netið.
KA varð fyrir áfalli eftir rúmlega hálftíma leik þegar Steinþór Már Auðunsson þurfti að fara af velli vegna meiðsla og William Tönning kom inn á í hans stað.
Undir lok fyrri hálfleiks kom Aron KR-ingum aftur yfir þegar hann negldi boltanum í fjærhornið.
Strax í upphafi seinni hálfleiks jafnaði Birnir Snær Ingason metin fyrir KA. Hann er kominn í gang hjá KA en hann hefur núna skorað í þremur leikjum í röð.
Hann var aftur á ferðinni stuttu síðar. KA fékk aukaspyrnu sem Arnar Freyr varði út í teiginn. Birnir var fljótur að átta sig og fylgdi á eftir og kom KA yfir.
KR var nálægt því að jafna metin þegar Orri Hrafn Kjartansson náði skoti að marki en boltinn fór í varnarmann og framhjá.
Andri Fannar Stefánssoon innsiglaði sigur KA í 200. leik sínum fyrir félagið í blálokin eftir skyndisókn. Birnir komst í gott færi til að skora þrennuna en skotið ekki nægilega gott og Arnar Freyr sá við honum.
KR er áfram í fallsæti, stigi frá öruggu sæti, en KA er í bílstjórasætinu í baráttunni um Forsetabikarinn, tveimur stigum á undan ÍBV sem gerði jafntefli gegn Aftureldingu í dag.
Besta-deild karla - Neðri hluti
| Lið | L | U | J | T | Mörk | mun | Stig |
|---|---|---|---|---|---|---|---|
| 1. KA | 27 | 11 | 6 | 10 | 45 - 49 | -4 | 39 |
| 2. ÍA | 27 | 11 | 1 | 15 | 37 - 50 | -13 | 34 |
| 3. ÍBV | 27 | 9 | 6 | 12 | 34 - 37 | -3 | 33 |
| 4. KR | 27 | 8 | 7 | 12 | 55 - 62 | -7 | 31 |
| 5. Vestri | 27 | 8 | 5 | 14 | 26 - 44 | -18 | 29 |
| 6. Afturelding | 27 | 6 | 9 | 12 | 36 - 46 | -10 | 27 |
Athugasemdir
