KR tapaði 5-0 á móti Selfossi í Pepsi Max deild kvenna.
„Bara virkilega svekkt. Mjög svekkt með okkur bara sem lið og alltaf sárt að fá stóran skell og hvað þá á heimavelli. Við töldum okkur eiga meira inni í dag.“ sagði Aníta Lísa Svansdóttir, aðstoðarþjálfari KR, eftir 5-0 tap gegn Selfossi í Pepsi Max deild kvenna í dag.
Lestu um leikinn: KR 0 - 5 Selfoss
„Má segja allt. Við vorum ekki að ná að tengja saman sendingar, boltinn gekk allt of hægt á milli manna í vörninni. Sóttum mikið á sömu leiðir, vorum ekki að leysa kanski stöður sem að Selfoss var að loka á okkur í.“
KR vann ÍBV í síðustu umferð 3-0, en tapa í dag 5-0 á móti Selfossi. Er þetta áhyggjuefni þjálfara?
„Jájá við höfðum alveg haft áhyggjur af því að við virðumst vera á smá svona jojo tímabili og það er kanski ekkert skrítið líka í ljósi aðstæðna að við höfum ekki alveg náð að vinna okkur upp í rútínuna sem við viljum vera í.“
„Það er helling hægt að gera, það er alltaf hægt að finna lausnir og við ætlum að vinna út frá því að við getum haldið áfram að bæta okkur.“
„Það er ekkert annað en að horfa bara áfram og við eigum eitthverja leiki inni sem er hægt er að horfa í, þó að það sé auðvitað alltaf erfitt að kanski lenda eftir á og vera elta. Það þýðir ekkert annað en bara gleyma þessum leik núna og vinna í því sem við þurfum að laga og vonandi bara förum við áfallalaust núna í gegnum sumarið.“
Viðtalið í heild sinni má nálgast í spilaranum hér að ofan.
Athugasemdir