Sigurður Höskuldsson þjálfari Leiknis R.
Leiknir R. vann 2-1 sigur á Leikni F. þegar liðin mættust á Domusnovavellinum í Lengjudeild karla í dag. Heimamenn hefðu þó að ósekju mátt sigra talsvert stærra en fjölmörg dauðafæri fóru forgörðum og þó sérstaklega í fyrri hálfleik. Fréttaritar spurði Sigurð Höskuldsson þjálfara Leiknis R. hvort þeir hefðu hreinlega ekki átt að vera búnir að ganga frá leiknum í hálfleik.
Lestu um leikinn: Leiknir R. 2 - 1 Leiknir F.
„Jú í lok og líka í seinni hálfleik. Ég held að við höfum aldrei fengið jafn mörg færi í einum fótboltaleik. Það pirrar okkur að hafa ekki náð að loka þessu fyrr en bara flottur sigur hjá okkur.“
Leiknismenn gerðu þrefalda skiptingu eftir rétt um klukkustundarleik í stöðunni 2-0. Var Siggi að hugsa um leikjaálag og að hvíla menn þar?
„Nei bara líka að fá ferska fætur inn. Ekkert endilega til að hvíla þá fyrir miðvikudaginn heldur að halda uppi tempóinu því það voru alvöru hlaup á fremstu mönnum og ég vildi bara ferska fætur inn. “
Eftir leiki dagsins situr Leiknir enn í 3.sæti deildarinnar stigi fyrir neðan Keflavík og 3 stigum frá topplið fram en þau lið mætast innbyrðis í næstu umferð. Markmið Leiknis hafa væntanlega ekkert breyst um að ætla sér upp um deild í lok tímabils.
„Nú eru 7 leikir eftir og þetta lítur bara mjög vel út hjá okkur svo við erum bara mjög brattir.“
Sagði Sigurður en allt viðtalið má sjá hér að ofan.
Athugasemdir
