Höskuldur skoraði tvö: Var með ágætis tilfinningu í nýjum skóm
Jón Þór: Þessi leikur á eftir að nýtast okkur helling
Dóri staðfestir viðræðuslitin: Var kannski ekki eins og menn höfðu séð fyrir sér
Gummi Tóta: Vonaðist til að hjálparvörnin kæmi
Andri Lucas: Vonandi komumst við á stórmót eins fljótt og hægt er
Daníel Leó: Menn eru ennþá í áfalli
Hákon Arnar: Ég vona það fyrir framtíðina
Stefnan er sett á HM - „Maður lærir mest þegar á móti blæs“
„Ekkert eðlilega svekkjandi, ömurlegt bara"
Jói Berg: Grátlegt að vera svona nálægt þessu og ná ekki á EM
Jón Dagur: Líður eins og tímabilið sé búið
Hareide lítur björtum augum á framtíðina - „Þurfum fleiri varnarmenn"
Furðar sig á ákvörðun Rebrov - „Held að Guðmundsson skori"
Beðið um mynd í miðju viðtali - „Ef þú syngur með okkur í 90 mínútur þá ertu í Tólfunni"
Joey Drummer: Besta stund sem ég hef upplifað
Siggi Bond með innherjaupplýsingar fyrir leikinn í kvöld
Sjáðu auglýsinguna fyrir Bestu deildina 2024 - Þekkt andlit í nýjum aðstæðum
27 þúsund miðar seldir á Úkraína - Ísland í Wroclaw skálinni
Víðir Sig: Væri gaman ef annar draumur myndi rætast í þessari borg
Jói bjartsýnn á að geta spilað - „Það róaði taugarnar ansi mikið"
   fim 12. nóvember 2020 17:24
Örvar Arnarsson
Hannes rýnir í Ungverjaleikinn: Held að þetta ráðist á einu marki
Icelandair
Hannes Þorsteinn Sigurðsson.
Hannes Þorsteinn Sigurðsson.
Mynd: Örvar Jens Arnarsson
Frá Puskas Arena í Búdapest.
Frá Puskas Arena í Búdapest.
Mynd: Getty Images
Íslenska liðið mætir því ungverska í hreinum úrslitaleik um sæti á EM.
Íslenska liðið mætir því ungverska í hreinum úrslitaleik um sæti á EM.
Mynd: Fótbolti.net - Hafliði Breiðfjörð
Fyrrum landsliðsmaðurinn Hannes Þorsteinn Sigurðsson er sérfræðingur Fótbolta.net í Búdapest. Íslenska landsliðið mun klukkan 19:45 í kvöld mæta Ungverjalandi í hreinum úrslitaleik um sæti á EM næsta sumar.

Nálgast má beina textalýsingu frá leiknum hérna.

„Þessi völlur sem þeir eru búnir að byggja er einstakt mannvirki. Það er synd og skömm að hálf þjóðin sé ekki mætt hérna út. Vonandi getum við samt nýtt þennan völl og notið hans næsta sumar," segir Hannes, en Puskas Arena verður á meðal leikvalla á Evrópumótinu.

Arnór Ingvi Traustason verður ekki með íslenska liðinu í kvöld og er búist við því að Rúnar Már Sigurjónsson komi inn í byrjunarliðið í hans stað.

„Fyrst og fremst sérstaklega eftir frábæra frammistöðu hjá Arnóri í síðasta verkefni, þar sem hann spilaði örugglega sinn besta landsleik síðan á EM fyrir fjórum, þá er andskoti dýrt að missa hans. Ég óska honum góðs bata," sagði Hannes en Arnór er með kórónuveiruna.

„Ef Ungverjar spila sitt venjulega kerfi, 3-5-2 (5-3-2), þá geri ég ráð fyrir því að við tökum mann inn sem nýtist vel í stöðu sem aukamaður á miðju. Ef Rúnar myndi koma inn, þá meikar það sens... Við erum með nokkra möguleika. Sama hvað finnst mér líklegt að við séum að spila 4-5-1 gegn kerfi þeirra. Hvort að Gylfi sé þá ekki frammi en færist aftar á miðjuna, þá sérstaklega í varnarleiknum."

„Með uppleggið í síðustu leikjum, þá höfum við verið að pressa hærra en við höfum verið að gera áður. Þá er spurningin hvort það hafi verið gert til að drilla inn eitthvað ákveðið gegn Ungverjum. Ég held að Hamren, Freyr og allir séu búnir að kortleggja þá ansi vel og finna veikleika. Ég held að við munum ráðast á veikleika þeirra ansi vel."

Hvernig spáir Hannes að fari í kvöld?

„Ég held í fyrsta lagi að það verði engar áhættur teknar hjá hvorugu liði; þetta verður stál í stál. Ég held að þetta ráðist á einu marki. Við kreistum fram 1-0 sigur og þar við situr. Þeir eru stressaðir Ungverjarnir og ég geri ráð fyrir því að það verði engar áhættur teknar."

„Þeir (Ungverjar) eru án þjálfara síns í leiknum, Marco Rossi greindist með Covid. Það gæti farið í báðar áttir, annað hvort mun það þétta hópinn og styrkja hann, eða það mun brjóta hann að hafa ekki þjálfarann á staðnum. Það hefur áhrif. Það verður fróðlegt að sjá hvernig Ungverjar tækla þetta, hvort andlega hliðin sé nægilega sterk."

„Það getur dottið í báðar áttir og það að vera kaldur í hausnum og vera svolítið viljugur að 'grinda' fram eitthvað í dag, þar kemur hugarfarið inn. Við höfum sýnt það á síðustu árum að það eru fáir leikmannahópar sem eru sterkari heldur en íslenski hópurinn andlega. Við munum alltaf hafa yfirhöndina þar. Það er eitthvað sem segir mér að þetta verði stál í stál, ráðist á einu marki eða fari jafnvel í framlengingu og vítaspyrnukeppni."

„Það er samt yfirleitt þannig þegar ég giska að þá fer þetta í allt aðra átt. Þetta gæti þess vegna endað 5-3," sagði Hannes.

Viðtalið má sjá í heild sinni hér að ofan.
Athugasemdir
banner
banner
banner
banner