Enzo Fernandez harðneitar orðrómum - „Falsfréttir"
Mynd: EPA
Mynd: EPA
Enzo Fernandez miðjumaður Chelsea segir að sögusagnir um að hann vilji fara frá félaginu séu kolrangar.
TENGT EFNI
Stórkostlegt mark hjá Enzo - Staðráðinn í að vera áfram
Þessi 23 ára gamli argentíski landsliðsmaður gekk til liðs við Chelsea frá Benfica fyrir rúmlega 100 milljónir punda fyrir ári síðan en hann hefur verið heitur að undanförnu.
Eftir að sögurnar fóru á kreik hefur hann skorað gegn Aston Villa í enska bikarnum og þá skoraði hann í 3-1 sigri á Crystal Palace í gær.
Hann ræddi við ESPN í Argentínu og staðfesti að hann sé ánægður hjá Chelsea.
„Ég er ánægður hjá Chelsea, við viljum spila í Meistaradeildinni næst. Ég veit ekki hvaðan þessi orðrómur kom. Ég harðneita þessu, þetta eru falsfréttir," sagði Fernandez.
