Íslenska landsliðið flýgur til Búdapest á næstu dögum.
Íslenska landsliðið mætir Ísrael í Búdapest í undanúrslitum umspilsins um sæti í lokakeppni EM 2024 þann 21. mars, fimmtudagskvöldið í næstu viku.
Sigurvegarinn í þeim leik mætir annað hvort Bosníu-Hersegóvínu eða Úkraínu 26. mars í hreinum úrslitaleik um sæti í lokakeppni EM í Þýskalandi.
Fótbolti.net verður með að sjálfsögðu með fréttamenn og ljósmyndara í Búdapest en hér má sjá hvernig dagskráin er hjá landsliðinu í grófum dráttum. Ef allt fer að óskum verður Ísland með farseðil á EM eftir tvær vikur.
Sigurvegarinn í þeim leik mætir annað hvort Bosníu-Hersegóvínu eða Úkraínu 26. mars í hreinum úrslitaleik um sæti í lokakeppni EM í Þýskalandi.
Fótbolti.net verður með að sjálfsögðu með fréttamenn og ljósmyndara í Búdapest en hér má sjá hvernig dagskráin er hjá landsliðinu í grófum dráttum. Ef allt fer að óskum verður Ísland með farseðil á EM eftir tvær vikur.
Föstudagurinn 15. mars
Landsliðshópurinn opinberaður og Age Hareide svarar spurningum fjölmiðlamanna.
Mánudagurinn 18. mars
Allur hópurinn verður kominn saman til æfinga í Búdapest þar sem leikurinn verður spilaður. Vegna stríðsins er spilað á hlutlausum velli en Ísrael hefði átt heimaleikjarétt.
Miðvikudagurinn 20. mars
Ísland æfir á keppnisvellinum, Szusza Ferenc Stadion sem er heimavöllur Újpest.
LEIKDAGUR - Fimmtudagurinn 21. mars
19:45 Ísrael - Ísland.
EF ÍSLAND TAPAR GEGN ÍSRAEL: EM draumurinn verður þá að engu og liðið mun leika vináttulandsleik gegn tapliðinu í viðureign Bosníu og Úkraínu.
EF ÍSLAND VINNUR ÍSRAEL: Tryggir liðið sér sæti í hreinum úrslitaleik gegn sigurliðinu í viðureign Bosníu og Úkraínu um sæti á EM í Þýskalandi. Þá verður áframhaldandi dagskrá svona:
Sunnudagurinn 24. mars
Ferðadagur. Ísland mun æfa áfram í Búdapest á föstudeginum og laugardeginum en ferðast svo yfir á keppnisstað á sunnudeginum. Ef leikið verður gegn Úkraínu verður spilað í Wroclaw í Póllandi (vegna stríðsins í Úkraínu) en gegn Bosníu í Sarajevo.
Mánudagurinn 25. mars
Ísland æfir á keppnisvellinum.
LEIKDAGUR - Þriðjudagurinn 26. mars
19:45 Hreinn úrslitaleikur um sæti á EM.
Athugasemdir
