Rúnar Páll Sigmundsson, annar af tveimur þjálfurum Stjörnunnar, var nokkuð sáttur eftir 0-0 jafntefli sinna manna gegn Val í Pepsi Max-deild karla í dag.
„Þetta var hörkuleikur og bráðskemmtilegur. Mér fannst við geta gert aðeins betur hvað varðaði sendingar og ákveðin tækniatriði. En heilt yfir var leikurinn vel spilaður hjá okkur." sagði Rúnar Páll eftir leik.
„Þetta var hörkuleikur og bráðskemmtilegur. Mér fannst við geta gert aðeins betur hvað varðaði sendingar og ákveðin tækniatriði. En heilt yfir var leikurinn vel spilaður hjá okkur." sagði Rúnar Páll eftir leik.
Lestu um leikinn: Valur 0 - 0 Stjarnan
Leikmannahópur Stjörnunnar þurfti að fara í sóttkví eftir að Covid-19 smit greindist innan herbúða liðsins. Þetta var fyrsti leikur Stjörnunnar síðan 24. júní.
„Það var gríðarlega mikilvægt að komast í gegnum þennan leik og það komu ekki upp nein meiðsli sem að sýnir hversu góðu standi við erum í. Þetta er erfiður útivöllur og við erum sáttir við þetta stig sem að við fengum."
Stjörnumenn eru með sjö stig eftir þrjá leiki, en þeir eiga þrjá leiki til góða á flest lið deildarinnar. Er Rúnar sáttur við þessa byrjun Stjörnunnar á mótinu.
„Jújú eigum við ekki bara að segja það. Næst er mikilvægur leikur gegn HK á föstudaginn og við verðum að vera tilbúnir í það." sagði Rúnar Páll að lokum.
Nánar er rætt við Rúnar Pál í spilaranum að ofan.
Athugasemdir