Nýliðar West Bromwich Albion sýndu lit gegn Leicester City í dag en gæðamunurinn á liðunum reyndist of mikill.

Heimamenn voru líflegir í fyrri hálfleik en gestirnir frá Leicester fengu bestu færin. West Brom gerði vel fyrstu tíu mínútur síðari hálfleiks, allt þar til Timothy Castagne skoraði í sínum fyrsta keppnisleik fyrir Leicester. Belgíski bakvörðurinn skoraði með flottum skalla eftir fyrirgjöf frá Dennis Praet.

Eftir opnunarmarkið tók Leicester öll völd á vellinum og komust gestirnir nálægt því að skora áður en Jamie Vardy tvöfaldaði forystuna með marki úr vítaspyrnu eftir klaufalegt brot Kyle Bartley innan vítateigs.

Tíu mínútum síðar var brotið á James Justin innan teigs og aftur skoraði Vardy af punktinum. Í þetta sinn var það John O'Shea sem braut af sér.

Meira var ekki skorað og þægilegur sigur Leicester staðreynd.