Þýskaland: Haaland og Meunier báðir með tvö fyrir Dortmund

Borussia Dortmund er nú aðeins þremur stigum á eftir toppliði Bayern Munchen í Þýskalandi eftir leik við Freiburg í kvöld.

Dortmund spilaði við Freiburg á heimavelli sínum og vann sannfærandi 5-1 sigur í gríðarlega mikilvægum leik.

Bakvörðurinn Thomas Meunier skoraði tvennu fyrir heimaliðið og það sama má segja um sóknarmanninn Erling Haaland.

Freiburg hefur komið verulega á óvart á leiktíðinni og situr í fjórða sæti deildarinnar með 30 stig, 13 stigum á eftir toppliðinu.

Bayern spilar við Köln á morgun og getur með sigri endurheimt sex stiga forskot á toppnum.