Jurgen Klopp, fyrrum stjóri Liverpool.
Jurgen Klopp segir það ekki koma til greina að hann verði stjóri hjá einhverjum af Red Bull fótboltaliðunum
Klopp er orðinn yfirmaður fótboltamála hjá Red Bull en þar undir má finna félög á borð við RB Leipzig, Red Bull Salzburg og New York Red Bulls.
Klopp var spurður að því í dag hvort hann gæti tekið við stjórastarfinu hjá einhverju af þessum félögum.
Klopp er orðinn yfirmaður fótboltamála hjá Red Bull en þar undir má finna félög á borð við RB Leipzig, Red Bull Salzburg og New York Red Bulls.
Klopp var spurður að því í dag hvort hann gæti tekið við stjórastarfinu hjá einhverju af þessum félögum.
„Nei. Ég verð ekki þjálfari hjá neinu af Red Bull liðunum. Það er alveg klárt. Ég veit ekki hvað ég verð að gera eftir fimm ár en verð ekki að stýra einhverju af Red Bull liðunum," segir Klopp sem er í ráðgjafahlutverki í starfi sínu.
Klopp var níu ár hjá Liverpool eftir að hafa stýrt Mainz og Borussia Dortmund í heimalandinu. Stuðningsmenn hans í Þýskalandi eru margir óánægðir með þá ákvörðun að ráða sig til Red Bull.
Leipzig, sem er undir Red Bull samsteypunni, er mjög umdeilt félag í Þýskalandi. Félög í Þýskalandi eru í meirihlutaeigu stuðningsmanna en Leipzig beygir framhjá þessum reglum og félagið er óvinsælt meðal almennra fótboltaáhugamanna í landinu. Með hjálp orkudrykkjarisans þá stökk félagið upp í efstu deild.
Athugasemdir
