Grótta tapaði á móti sterku Fjölnisliði á Extra-vellinum í kvöld. Leikurinn var mjög jafn en mark Valdimars Inga tryggði Fjölnis sigurinn. Ágúst Þór Gylfason, þjálfari Gróttu, var svekktur eftir leikinn, en sá samt mikið gott fyrir næstu leiki framundan.

Lestu um leikinn: Fjölnir 1 -  0 Grótta

''Erfiður leikur, það var rigning og völlurinn þungur fyrir bæði lið og erfitt að hemja boltann. Við lögðum allt í leikinn, en við vorum aðeins eftir á fannst mér, sérstaklega í fyrri hálfleik og smá í seinni hálfleik líka.'' segir Gústi Þór eftir tap á móti Fjölnir.

„Við sköpuðum okkur ekki mikið, þeir voru þéttir fyrir og lögðust svoldið lágt Fjölnis mennirnir og gáfu okkur lítil færi. Þeir beyttu skyndisóknum á okkur og sköpuðu sér eitthver færi og úr því eitt kom mark frá þeim,''

„Við lögðum allt í leikinn. Svekkjandi tap klárlega, en við höldum bara áfram, þetta er bara einn leikur.'' segir Gústi

Sóknamenn Gróttu sköpuðu sér fá færi í leiknum gegn Fjölnir.

„Þeir lögðust lágt niðri og við bjuggumst ekkert endilega við því. Þeir vörðust vel og lokuðu bara vel svæðið á okkar sóknamenn. Við hefðum kannski átt að fara meira á vængina og reyna tvöfalda þá þar, en við náðum því ekki.''

Gústi var spurður hvort Grótta stefna á því að komast upp aftur í Pepsi Max deildinna.

„Við stefnum á að vera í baráttu í toppnum og þetta var smá bakslag í þvi en það eru nógu leikir eftir.'' segir Gústi

Viðtalið í heild sinni má sjá í sjónvarpinu hér að ofan

Tweet

Senda a Facebook Hafdu samband Senda frétt Prenta frétt Frétta leit