Gummi hefur skorað 41 mörk í 166 leikjum í efstu deild.
„Ég sá fyrir mér öðruvísi endi með uppeldisfélaginu en ég held að ég geti labbað út úr Úlfarsárdal með kassan úti og stoltur af því sem ég hef gert þarna.“
Guðmundur Magnússon hefur sagt skilið við uppeldisfélagið Fram í fjórða sinn á ferlinum. Hann var fyrirliði Fram og átti eitt ár eftir af samningi sínum við félagið.
Guðmundur er 34 ára framherji sem lék á láni með Breiðabliki frá Fram seinni hluta síðasta árs. Hann segist geta gengið stoltur frá borði með uppeldisfélaginu en segist hafa séð fyrir sér öðruvísi endi á tímanum sínum með Fram.
Fótbolti.net ræddi við Gumma um viðskilnaðinn og næstu skref.
Guðmundur er 34 ára framherji sem lék á láni með Breiðabliki frá Fram seinni hluta síðasta árs. Hann segist geta gengið stoltur frá borði með uppeldisfélaginu en segist hafa séð fyrir sér öðruvísi endi á tímanum sínum með Fram.
Fótbolti.net ræddi við Gumma um viðskilnaðinn og næstu skref.
„Maður fattaði að þetta gæti orðið möguleiki þegar ég fór á lán til Breiðabliks. Ég held að undir lokin hafi báðir aðilar hafi verið sáttir við það.“
„Ég held að það hafi ekki verið málið að þetta hafi ekki gengið upp. En það var öðruvísi leikstíll, öðruvísi stefna sem félagið ætlaði að fara í, án þess að ég fari að uppljóstra um einhverja stefnu eins og allir eru að fara í í dag. Þeir hafa kannski viljað yngja aðeins upp, fá inn ferskari lappir og allt í góðu með það.“
„Ég sá fyrir mér öðruvísi endi með uppeldisfélaginu en ég held að ég geti labbað út úr Úlfarsárdal með kassan úti og stoltur að því sem ég hef gert þarna.“
Hvað tekur við?
„Ég veit það ekki. Ég er að fara í tveggja vikna langþráð frí með fjölskyldunni. Nota janúar til að hlaða batteríin. Það kemur vonandi eitthvað spennandi upp.“
„Það hafa verið einhverjar beinar og óbeinar þreifingar, en ekkert sem er þess virði að tala um núna. Ég ætla bara að nota janúar til að hlaða batteríin og líkamann.“
Viðtalið má sjá í heild sinni í spilaranum hér að ofan.
Athugasemdir
