Dean Huijsen.
Arsenal og Liverpool leiða kapphlaupið um miðvörðinn Dean Huijsen samkvæmt Florian Plettenberg, fréttamanni Sky Sports.
Real Madrid og Bayern München hafa einnig áhuga á honum en síðarnefnda félagið virðist vera að landa Jonathan Tah frá Bayer Leverkusen í sömu stöðu.
Huijsen er afar efnilegur miðvörður sem hefur slegið í gegn með Bournemouth á yfirstandandi tímabili.
Hann er með riftunarverð í samningi sínum upp á 50 milljónir evra og það er svo gott sem bókað að einhver félög muni virkja þá klásúlu í sumar.
Huijsen, sem er tvítugur, á að baki tvo landsleiki fyrir Spán.
Athugasemdir
