Alexander Aron
„Leikurinn fannst mér mjög góður,'' sagði Alexander Aron Davorsson, þjálfari Aftureldingar, eftir 0-1 tap á heimavelli gegn ÍBV í níundu umferð Bestu deildar kvenna í kvöld.
Lestu um leikinn: Afturelding 0 - 1 ÍBV
„Við vorum eiginlega með yfirburði í þessum leik en við bara nýttum ekki færin okkar og þau voru alveg mörg. Svona er þetta bara í fótbolta, maður nýtir ekki færin og þá færðu stundum mark í bakið, það gerðist í dag.''
„Við höfum skorað í öllum leikjum fyrir utan KR og í þessum leik núna, en í báðum þessum leikjum og flestum leikjum í sumar erum við að koma okkur í alveg mjög góða stöðu fyrir framan markið.''
Afturelding breytti um markvörð fyrir þennan leik, Auður Scheving byrjaði leikinn á meðan Eva Ýr Helgadóttir var sett á bekkinn.
„Eva er búin að vera tæp og Auður er að koma úr láni frá Val. Staðan er þannig að við ætlum að hvíla Evu aðeins lengur.''
Afturelding er bara með þrjú stig á botni deildarinnar.
„Mótið er til 1. október og það skiptir engu máli hvort þú endar í þriðja sæti eða áttunda sæti, það gefur það sama. Fyrir mér er það bara þannig að við keyrum á þetta þangað til 1. október, þá er mótið búið hjá öllum.''
Viðtalið í heild sinni má sjá hér fyrir ofan.
