Argentína er að verja Copa América titilinn sinn frá því fyrir þremur árum á meðan Kólumbía reynir að sigra keppnina í annað sinn í sögunni.

Búast má við hörkuleik þar sem stórstjörnur mætast, en bæði lið hafa verið að spila sannfærandi fótbolta á mótinu.

Argentína hefur aðeins fengið eitt mark á sig allt mótið á meðan Kólumbía hefur hleypt tveimur boltum yfir marklínuna sína.

Lautaro Martínez er markahæsti leikmaður Copa América sem stendur með fjögur mörk í fimm leikjum, en hann hefur aðeins tvisvar sinnum verið í byrjunarliði Argentínu hingað til á mótinu.

Jhon Córdoba, Daniel Munoz, Jefferson Lerma og Luis Díaz eru markahæstu leikmenn Kólumbíu með tvö mörk á haus, á meðan Julián Álvarez er eini leikmaður Argentínu sem hefur skorað tvö mörk.

Reynsluboltinn James Rodríguez mun þó verða langstoðsendingahæstur á þessu móti. Hann er nú þegar kominn með 6 stoðsendingar og hefur verið valinn sem besti leikmaður vallarins í fjórum af fimm leikjum hingað til. Hann er að eiga ótrúlegt mót og virðist staðráðinn í því að sigra Copa América áður en hann leggur landsliðsskóna á hilluna.

Leikur kvöldsins:
00:00 Argentína - Kólumbía