Ítalíumeistarar Inter eru í viðræðum við Hellas Verona um kaup á kólumbíska varnarmanninum Juan David Cabal sem átti frábæran seinni hluta tímabils með Verona á síðustu leiktíð.
Cabal er vinstri bakvörður að upplagi en getur einnig spilað sem miðvörður og stóð sig gífurlega vel í báðum stöðum með Verona.
Cabal er 23 ára gamall og hefur aldrei spilað A-landsleik fyrir Kólumbíu en það gæti breyst ef hann byrjar að gera góða hluti með Inter.
Ef félagaskiptin ganga í gegn mun Cabal berjast við Francesco Acerbi og Alessandro Bastoni um sæti í sterkri varnarlínu Inter.
Cabal er einn af þremur varnarmönnum sem Inter er að reyna við í sumar, en hinir eru Mario Hermoso og Ricardo Rodriguez. Cabal er talinn vera efstur á óskalistanum.
Athugasemdir
