Þýskaland: Xavi Simons skoraði og lagði upp í sigri á Dortmund

RB Leipzig vann góðan sigur á Dortmund í þýsku deildinni í kvöld og er í harðri Meistaradeildarbaráttu.

Xavi Simons kom Leipzig yfir þegar hann fylgdi eftir skoti frá Benjamin Sesko.

Leipzig var með yfirhöndina í fyrri hálfleik og bætti við öðru marki í upphafi seinni hálfleiks þegar Lois Openda skoraði eftir hornspyrnu frá Simons.

Fljótlega eftir seinna mark Leipzig fékk Max Beier tækifæri á að koma Dortmund inn í leikinn en hann skaut bæði í slá og stöng með stuttu millibili.

Dortmund komst áfram í 8-liða úrslit Meistaradeildarinnar í vikunni en liðið er í stökustu vandræðum í deildinni. Eftir tapið í kvöld er liðið í 11. sæti með 35 stig eftir 26 umferðir en Leipzig er í 5. sæti með 42 stig eftir 26 umferðir, jafn mörg stig og Frankfurt sem er í 4. sæti en Frankfurt á leik til góða gegn Bochum á morgun.