Guðmundur Magnússon leikmaður Fram var ánægður eftir að liðið hans sigraði Leikni á heimavelli 4-1 í kvöld.
Lestu um leikinn: Fram 4 - 1 Leiknir R.
„Það er góður fílingur. Við byrjuðum kannski aðeins brösulega við bjuggumst ekki við því að þeir færu í þriggja manna (hafsenta kerfi) eða já breyttu um taktík svo þegar við áttuðum okkur á því þá fannst mér að þeir ættu aldrei séns í þetta. Þannig bara sáttur."
Guðmundur skoraði 1 mark og lagði upp 1 og er nú kominn með 12 mörk og er næstmarkahæstur í deildinni.
„Já já, þetta er bara áfram gakk sko. Maður er í góðum fíling og maður heldur bara áfram."
Þegar Guðmundur er spurður út í möguleika hans á markakóngs titlinum hafði hann þetta að segja.
„Ég á ekki breik í markakónginn, það er búið að ákveða hverjir verða þar þannig mér er alveg sama. Þeir vita sem vita sem að tala um fótbolta að maður á ekki séns í það þannig bara áfram gakk."
Fram er núna 12 stigum frá fallsæti og er komið langa leið með það að tryggja sér frá falli.
„Það er nóg eftir, það er alveg ég man ekki 10 leikir eftir eða eitthvað þannig við þurfum bara að halda áfram. Þetta er ekki komið."
Viðtalið má sjá í heild sinni í spilaranum hér fyrir ofan.
