Maður verður að vera sáttur við að tryggja sig í deildinni. Þetta var týpískur haustleikur, 0-0. Leikurinn bar þess merki að það væri ólíklegt að við þyrftum að fara í síðata leik og berjast fyrir lífi okkar. Við tökum þessu núlli, að fá ekki mark á okkur. Ekki oft sem við stöndum í því. Leiknir hafði undirtökin á leiknum en jújú, ég er sáttur við leikinn.
Sagði Kristján Ómar, þjálfari Hauka eftir markalaust jafntefli við Leikni í dag.
Sagði Kristján Ómar, þjálfari Hauka eftir markalaust jafntefli við Leikni í dag.
Lestu um leikinn: Leiknir R. 0 - 0 Haukar
Aðspurður hversu sáttur hann er við tímabilið sagði Kristján:
Ég er undir meðallagi sáttur. Við missum 6 stráka út til Bandaríkjanna. Ég hugsa vini mínum Brynjari Benediktssyni gott til glóðarinnar að vera að flytja leikmenn út í bílförmum. Það var smá skellur að missa marga leikmenn og ég vissi að þetta yrði kaflaskipt því við þurftum að púsla saman nýju liði í ágúst. En við erum að enda þetta nokkuð sterkt eins og ég bjóst við. Liðið mitt er í ágætis standi en það er einn leikur eftir og við getum klifrað upp töfluna. Mig langar ekkert að enda í 9. sæti.
Aðspurður hvort hann haldi áfram með liðið sagði Kristján:
Það eru 99% líkur að ég haldi áfram með liðið.
Athugasemdir