„Furðulega" markið sem skorað var á Ítalíu í gær var fullkomlega löglegt skv. núverandi túlkun rangstöðureglunnar, en það hefði hins vegar verið ólöglegt í Pepsídeildinni 2013. Þetta kemur fram í uppplýsingum sem Fótbolti.net fékk frá Gylfa Orrasyni, formanni dómaranefndar KSÍ.
Smelltu hér til að sjá markið
Smelltu hér til að sjá markið
Hér að neðan má sjá upplýsingarnar sem við fengum frá Gylfa.
Hinn 1. júlí 2013 gerði Alþjóðanefndin (IFAB) nokkrar breytingar á túlkun 11. greinar knattspyrnulaganna um rangstöðu (sjá meðfylgjandi trúss). Breytingin tók þó ekki gildi í þeim knattspyrnumótum sem þá þegar voru hafin, þ.e. hún tók ekki gildi á Íslandi fyrr en frá og með 1. janúar 2014.
Til nánari útskýringar:
Til þess að leikmaður teljist vera að sækja að mótherja til þess að reyna að vinna knöttinn nægir ekki lengur að hann sé einungis“í hreyfingarlínu eða að beita látbragði eða hreyfingu sem villir um fyrir eða ruglar mótherja að mati dómarans”.
Að sækja að mótherja til þess að reyna að vinna knöttinn innifelur:
> Líkamlega truflun
> Að vera innan leikfæris (1 – 1,5 metrar)
Meðfylgjandi myndband er af marki í Álfukeppninni 2009 og var þá dæmd rangstaða. Í dag er sóknarmanninum ekki refsað fyrir að vera í rangstöðu þar sem hann er ekki talinn vera að keppast við mótherjann um knöttinn þar sem boltinn er of langt frá honum. Það skiptir engu máli þó boltinn sé á leið í stefnu að sóknarmanninum og varnarmaðurinn reyni að koma í veg fyrir að hann fái boltann.
Athugasemdir
