„Gyrðir getur leyst nokkrar stöður aftarlega á vellinum, er líkamlega sterkur, fljótur og öflugur leikmaður. Við bjóðum Gyrði hjartanlega velkominn og hlökkum til að sjá hann spila á iðagrænum Kaplakrikavelli í sumar," segir í tilkynningu FH.

Gyrðir hefur spilað með meistaraflokki Leiknis síðan 2019. Hann hjálpaði liðinu að komast upp í efstu deild og lék svo með liðinu þar í tvö ár.

FH var í fallbaráttu í Bestu deildinni í fyrra en vonast til að hífa sig upp í efri hlutann næsta sumar, undir stjórn Heimis Guðjónssonar sem tók að nýju við liðinu.