Championship: Varamennirnir sáu um svakalega endurkomu Leeds

Leeds er með tveggja stiga forystu á toppi Championship deildarinnar eftir dramatískan sigur á Sunderland í kvöld.

Wilson Isidor kom Sunderland yfir þvert gegn gangi leiksins þegar hann lék á Ethan Ampadu og skaut framhjá Illan Meslier og boltinn fór í stöngina og inn.

Pascal Struijk og Joe Rothwell komu inn á hjá Leeds á 72. mínútu. Struijk jafnaði metin sex mínútum síðar þegar hann skallaði boltann í netið eftir aukaspyrnu frá Rothwell.

Það var síðan á lokasekúndum leiksins sem Rothwell átti fyrirgjöf eftir að leikmenn Sunderland áttu í vandræðum með að koma boltanum frá. Aftur var Struijk mættur og skallaði boltann í netið og tryggði liðinu dramatískan sigur.