Erfitt að ganga frá kaupum á Rashford

Rashford kom til Villa á lánssamningi frá Manchester United og átti mjög góðan leik gegn Paris Saint-Germain í 8-liða úrslitum Meistaradeildarinnar á þriðjudagskvöldið.

Aston Villa komst nálægt því að knýja viðureignina við PSG í framlengingu en tókst það ekki að lokum.

„Það verður erfitt að kaupa hann í sumar. Honum líður vel hérna og er að spila frábærlega með okkur. Við viljum leikmanninn en svona stór félagaskipti fara mikið eftir aðstæðum hverju sinni," sagði Emery um framtíð Rashford.

„Hvar við endum á stöðutöflunni er meðal áhrifaþátta fyrir möguleg félagaskipti."

Rashford er hjá Villa á lánssamningi sem inniheldur 40 milljón punda kaupákvæði.