Gunnar Gylfason
Gunnar Gylfason, fyrrum starfsmaður KSÍ, hefur verið ráðinn af Almannavarnadeild ríkislögreglustjóra, en hann mun aðstoða við sóttvarnir. Þetta kemur fram á mbl.is.
Gunnar gegndi mikilvægu starfi innan KSÍ síðustu áratugi en hann kom að framkvæmd leikja auk þess sem hann starfaði sem fjölmiðlafulltrúi sambandsins hér áður fyrr.
Þá gegndi hann stóri hlutverki hjá sambandinu á EM 2016 og HM 2018.
Hann hefur nú verið ráðinn af Almannavörnum til að aðstoða við sóttvarnir.
Gunnar mun aðstoða Almannavarnir með keppnisferðir íslenskra liða erlendis í forkeppnum í Meistara- og Evrópudeildinni en þetta staðfesti samskiptastjóri Almannavarna í samtali við mbl.is.
Athugasemdir
