Gat ekki sparkað í bolta eftir að hafa meiðst á æfingu
Ólafur Íshólm Ólafsson.
Mynd: Fótbolti.net - Hafliði Breiðfjörð
Ólafur Íshólm Ólafsson.
Mynd: Fótbolti.net - Hafliði Breiðfjörð
Ólafur Íshólm Ólafsson var fjarri góðu gamni á sunnudag þegar Fram gerði 3-3 jafntefli við FH. Varamarkvörðurinn Stefán Þór Hannesson stóð í rammanum og lék sinn fyrsta deildarleik á tímabilinu.
Lestu um leikinn: Fram 3 - 3 FH
„Við höfum verið mjög óheppnir með meiðsli og misstum Óla markvörð út tveimur dögum fyrir leik. Ofan á öll hin meiðslin, þetta hefur riðlað þessu hjá okkur," sagði Rúnar Kristinsson, þjálfari Fram, eftir leikinn.
„Þetta er smávægileg tognun í innra læri. Hann gat ekki sparkað í bolta eftir að hafa meiðst á æfingu í fyrradag. Stefán kom í markið og hann gerði mjög vel."
Rúnar segist ánægður með að hafa náð að 'stöðva blæðinguna' með því að ná í stig gegn FH en fram að leiknum hafði Framliðið tapað nokkrum leikjum í röð. Á endanum varð sjöunda sæti niðurstaðan og liðið fer því í neðri hlutann.
„Við erum vonsviknir að hafa ekki náð topp sex því við höfum verið þar í átján umferðir af 22. Það segir sitt um hvað við höfum verið að gera í sumar en við höfum runnið á svellinu í síðustu leikjum og duttum úr þessu," sagði Rúnar.
„Þetta er smávægileg tognun í innra læri. Hann gat ekki sparkað í bolta eftir að hafa meiðst á æfingu í fyrradag. Stefán kom í markið og hann gerði mjög vel."
Rúnar segist ánægður með að hafa náð að 'stöðva blæðinguna' með því að ná í stig gegn FH en fram að leiknum hafði Framliðið tapað nokkrum leikjum í röð. Á endanum varð sjöunda sæti niðurstaðan og liðið fer því í neðri hlutann.
„Við erum vonsviknir að hafa ekki náð topp sex því við höfum verið þar í átján umferðir af 22. Það segir sitt um hvað við höfum verið að gera í sumar en við höfum runnið á svellinu í síðustu leikjum og duttum úr þessu," sagði Rúnar.
