Sænski framherjinn John Guidetti hefur útilokað þann möguleika að spila á Íslandi næsta sumar en þetta sagði hann í viðtali við Fotbollskanalen á dögunum.
Ferilskrá Guidetti er tilkomumikil en hann hefur spilað í ensku úrvalsdeildinni og La Liga á Spáni.
Hann gerði góða hluti með Celta Vigo og lék þá með Stoke City í ensku úrvalsdeildinni ásamt því að hafa verið á mála hjá Manchester City og fleiri stórum klúbbum.
Í dag er Guidetti á mála hjá AIK, en hann veit ekki hvar eða hvort hann ætli sér að spila fótbolta á næsta ári.
„Ég veit það ekki. Það er svona 50-50 á að skórnir fari upp í hillu“ sagði Guidetti.
„Þetta yrði að vera eitthvað sem ég hef mikla ástríðu fyrir og svo myndi ég bara skoða það. Ég mun 100 prósent hoppa á eitthvað ástríðufullt verkefni, en ef það kemur ekki upp þá mun ég finna mér eitthvað annað að gera. Þetta verður eitthvað sem smellpassar fyrir mig. Sumt er mér mikilvægt í þessu lífi eins og tildæmis fjölskyldan. Þetta verður að henta öllum aðilum.“
Guidetti vildi hins vegar útiloka þann möguleika á að spila á Íslandi.
„Ég er ekkert að fara streða á Íslandi. Það er ekkert að því að spila á Íslandi ef þú ert ungur og vilt komast eitthvað áfram á ferlinum eða vilt fjárfesta í því að spila vonandi einn daginn gegn Barcelona, en ég hef þegar gert það. Ég er rólegur,“ sagði Guidetti og hló.
Athugasemdir
