Benedikt Daríus Garðarsson skoraði þrennu fyrir Fylki
Pætur Joensson Petersen skoraði fyrra mark KA
Fylkir og KA unnu bæði í riðli 4 í A-deild Lengjubikars karla í dag en KA-menn eru á toppnum með 6 stig.
Fylkir vann Þór örugglega, 5-0, á Würth-vellinum. Benedikt Daríus Garðarsson skoraði þrennu fyrir Fylkismenn í leiknum en þeir Óskar Borgþórsson og Pétur Bjarnason komust einnig á blað.
Þetta var fyrsti sigur Fylkis í Lengjubikarnum sem hefur spilað tvo leiki. Þór er með jafn mörg stig eftir tvo leiki.
KA lagði þá Fjlöni, 2-1, í Egilshöllinni. Pætur Joensson Peterson opnaði leikinn með marki á 15. mínútu áður en Daníel Hafsteinsson tvöfaldaði forystuna undir lok leiks. Bjarni Gunnarsson náði að klóra í bakkann fyrir Fjölni en lengra komust heimamenn ekki. Lokatölur 2-1 fyrir KA sem er á toppnum með 6 stig. Fjölnir er með þrjú stig.
Úrslit og markaskorarar:
Fylkir 5 - 0 Þór
1-0 Óskar Borgþórsson ('6 )
2-0 Benedikt Daríus Garðarsson ('24 )
3-0 Benedikt Daríus Garðarsson ('56 )
4-0 Benedikt Daríus Garðarsson ('84 )
5-0 Pétur Bjarnason ('85 )
Fjölnir 1 - 2 KA
0-1 Pætur Joensson Petersen ('15 )
0-2 Daníel Hafsteinsson ('89 )
1-2 Bjarni Gunnarsson ('90 )
Athugasemdir
