Rúnar Páll þjálfari Stjörnunnar
Stjarnan tók á móti Breiðablik á Samsung vellinum í 9. umferð Pepsí Max-deildar karla í kvöld þar sem Breiðablik sigraði 1-3. Rúnar Páll Sigmundsson, þjálfari Stjörnunnar sagði að Breiðablik hefði tekið yfir leikinn síðasta hálftímann og átt sigurinn skilið.
Lestu um leikinn: Stjarnan 1 - 3 Breiðablik
„Mér fannst við vera með ágætis tök á leiknum þangað til þeir jafna leikinn úr hornspyrnunni. Eftir það tóku Blikar bara yfir leikinn og voru miklu betri en við síðasta hálftímann, við höfðum engan kraft þarna fram á við síðasta hálftímann. Blikarnir áttu þetta bara skilið í dag"
Guðmundur Steinn og Þórarinn Ingi komu inn á fyrir Ævar Inga og Sölva og virtist allt líf fara úr sóknarleik Stjörnunnar við það, Rúnar viðurkenndi að þær skiptingar hefðu ekki skilað árangri.
„Mér fannst vanta smá orku í Ævar og Sölva þá og maður gerði kannski ekki góðar skiptingar en maður verður og standa og falla með ákvörðunum sem maður tekur sem þjálfari."
Mikið hefur verið rætt um standið á Haraldi Björnssyni, markverði Stjörnunnar og talað um að Stjarnan ætli að sækja sér markvörð. Rúnar segir svo ekki vera og stendur með Haraldi.
„Nei nei, Halli er bara frábær markmaður og hefur gert vel fyrir okkur þótt allir geti átt dapra leiki inn á milli og gert mistök og hann er engin undantekning á því. Halli er okkar markmaður og við stöndum með honum."
Athugasemdir
