Hinn 15 ára gamli Moukoko skoraði þrennu fyrir U19 lið Dortmund í 3-2 sigri á Schalke, en það er mikill rígur á milli þessara tveggja félaga.

Stuðningsmenn Schalke mættu á völlinn og hópur þeirra hegðaði sér eins og fávitar. Hann var kallaður illum nöfnum og var meðal annars sagt að öll bein hans yrðu brotin. Schalke segist ætla að rannsaka málið.

Moukoko er undrabarn í orðsins fyllstu merkingu. Hann er aðeins 15 ára gamall og hefur slegið hvert metið á fætur öðru með unglingaliðum Dortmund. Hann verður 16 ára í nóvember og getur hann þá byrjað að spila með aðalliði Dortmund.

Youssoufa Moukoko er eflaust nafn sem að fótboltaunnendur munu heyra og segja mikið í framtíðinni.