Rætt var við þjálfara og fyrirliða Tindastóls í síðasta þætti af hlaðvarpsþættinum Heimavellinum.

Tindastóll hefur náð að halda leikmönnum eins og Murielle Tiernan og Jacqueline Altschuld í sínum röðum þrátt fyrir áhuga annarra félaga. Hvað hefur Sauðárkrókur sem heldur öllum hressum og kátum?

„Þetta er fjölskyldubær. Við erum eins og ein stór fjölskylda, við náum allar rosalega vel saman. Ég veit að erlendu leikmönnunum líður rosalega vel hérna," sagði Bryndís Rut Haraldsdóttir, fyrirliði Tindastóls.

„Þeim líkar rosalega vel við samfélagið, fólkið, allt sem er í boði hérna. Bara það að þær geti farið í sjósund, þeim finnst það geggjað. Það er fullt af litlum hlutum sem við höfum upp á að bjóða sem er kannski meira persónulega en til dæmis ef þú myndir fara í félag þar sem fullt af öðrum félögum er í boði eins og Reykjavík."

„Við erum að gera þetta af hjarta og sál," sagði Bryndís.

Hlusta má á þáttinn í heild sinni hér að neðan.