Hodgson er þessa dagana að jafna sig eftir veikindi og sjá aðstoðarmenn hans um að stýra Palace þegar liðið mætir Everton í ensku úrvalsdeildinni í kvöld.

Hodgson samþykkti fyrr í dag að segja upp starfi sínu hjá Palace en hann stýrði félaginu frá 2017 til 2021 og tók svo aftur við í mars í fyrra til að bjarga liðinu frá falli úr úrvalsdeildinni. Hodgson er uppalinn hjá Palace en þótti ekki nógu góður fyrir aðalliðið á ferli sínum sem leikmaður. Óljóst er hvort þetta hafi verið síðasta stjórastarf Hodgson, sem er 76 ára gamall.

Glasner er 49 ára gamall Austurríkismaður sem gerði góða hluti með LASK Linz í heimalandinu og svo með Wolfsburg og Eintracht Frankfurt í Þýskalandi.

Honum tókst að vinna Evrópudeildina með Frankfurt fyrir tveimur árum síðan og fær hann verðugt verkefni í enska boltanum, þar sem Palace er aðeins fimm stigum fyrir ofan fallsvæðið - með 24 stig úr 24 leikjum.