„Frammistaðan var í flestum tilvikum mjög góð, þetta var langt frá því að vera 3-0 leikur, 1-0 ekkert mál en hérna við fórum hræðilega með tvö marktækifæri og björguðum sjálfar á línu fyrir Víking þannig að það var svekkjandi en framlag leikmanna var virkilega til fyrirmyndar," sagði Jón Ólafur Daníelsson, þjálfari Grindavíkur eftir svekkjandi 3-0 tap gegn Víkingi í lengjudeild kvenna.
Lestu um leikinn: Víkingur R. 3 - 0 Grindavík
„Við hefðum getað farið í 2-3 ef við hefðum nýtt þetta en svo kemur þetta vonda 3-0 mark og þá eru úrslitin ráðin".
Annar útileikur Grindavíkur reyndist erfiður gegn gríðarsterku Víkingsliði og tap niðurstaðan. Þrátt fyrir úrslitin var Jón Ólafur nokkuð sáttur við spilamennsku sinna kvenna og hrósaði þeim fyrir baráttu. Grindavík situr sem stendur í 5. sæti með þrjá leiki spilaða, aðeins einn sigurleik og tvö mörk skoruð.
„Við fáum á okkur 2-0 markið þegar við vorum með gríðarlega góð tök á leiknum".
Viðtalið má nálgast í heild sinni hér að ofan.
Athugasemdir