Hamburger SV er skrefi nær því að komast upp í efstu deild í Þýskalandi eftir að liðið lagði Herthu Berlín að velli, 1-0, í fyrri leik liðanna í umspili.

Ludovit Reis gerði eina mark HSV á 57. mínútu leiksins og dugði það til sigurs.

Hamburger hafnaði í 3. sæti B-deildarinnar á leiktíðinni og mætti því þriðja neðsta liði efstu deildar, en Hertha hafnaði þar eftir lokaumferðina og Stuttgart tókst að halda sér uppi.

Síðari leikurinn fer fram á mánudaginn en fjögur ár eru síðan HSV spilaði síðast í efstu deild.