Diaby í leik með Aston Villa.
Franski kantmaðurinn Moussa Diaby virðist vera að ganga í raðir Al-Ittihad í Sádi-Arabíu.
Fabrice Hawkins, blaðamaður hjá RMC í Frakklandi, segir að leikmaðurinn sé búinn að ná samkomulagi við félagið frá Sádi-Arabíu og það sé verið að klára smáatriðin á milli félaganna.
Kaupverðið verður í kringum 55 milljónir evra og gæti það hækkað aðeins svo.
Diaby mun skrifa undir fimm ára samning við Al-Ittihad þar sem hann mun fá vel greitt fyrir sín störf.
„Þetta er bara tímaspursmál núna," segir Hawkins.
Villa keypti hann frá Bayer Leverkusen fyrir metfé á síðasta ári eða um 52 milljónir punda, en þá hafði félagið betur í baráttunni við stærstu félög Sádi-Arabíu.
Diaby, sem er 25 ára gamall, skoraði 10 mörk og gaf 9 stoðsendingar á síðasta tímabili er Villa tryggði sér Meistaradeildarsæti fyrir þetta tímabil.
Athugasemdir
