Hinn ungi Giovanni Reyna kom Borussia Dortmund yfir í stórleik dagsins í þýsku deildinni gegn Borussia Mönchengladbach.

Reyna er ekki orðinn 18 ára og er næstyngsti Bandaríkjamaðurinn til að skora fyrir Dortmund.

Leikurinn var nokkuð jafn en gæðamunurinn gerði útslagið þar sem Erling Braut Haaland setti tvennu eftir leikhlé.

Fyrst skoraði Haaland úr vítaspyrnu og svo eftir stoðsendingu frá Jadon Sancho.

Liðin mættust í fyrstu umferð deildartímabilsins en í fyrra munaði fjórum stigum á liðunum þar sem Dortmund endaði í öðru sæti og Gladbach fjórða.