Fótbolti.net

Leandro: Þegar maður stendur sig vel á Íslandi skapast ýmis tækifæri

Þrenna í fyrsta leik - „Þetta er það sem okkur hefur vantað"

„Töluvert síðan að hópurinn var klár en hann var ekki að spila leikinn í dag"

Siggi Höskulds: Eins og að vera mættur á Pollamótið aftur

Hemmi Hreiðars: Ekki nálægt því að vera þannig

Erfitt að fá mínútur hjá Víkingi - „Vonandi get ég haldið þessu áfram“

Nýliðinn ósáttur þrátt fyrir stóra sviðið: „Við hefðum getað gert aðeins betur“

Alexandra: „Leyfðum þeim að krossa full auðveldlega"

Stigalausar og markalausar - „Auðvitað dreymir mann alltaf um eitthvað“

Fyrirliðinn sér bjarta framtíð: „Hún er á svipuðum aldri og ég þegar ég kom fyrst inn“

Fyrrum leikmaður ÍBV og landsliðsmarkvörður Englands um leikinn

Vilja Fanneyju og Guðrúnu með á eyðieyjuna

Glódís fyrir leikinn gegn Englandi: „Mætum með kassann úti“

Karólína Lea: Þurfum að passa vinkonu mína, hún er heit

Steini: Þurfum að gæta Russo vel inn í boxi

Diljá Ýr: Tek mínu hlutverki og reyni að gera það sem best

Sædís Rún: Auðvitað langar manni að spila á hærra leveli

María um fyrsta landsleikinn: Sérstaklega gaman að fá að spila á móti heimsmeisturunum

Cecilía Rán: Fannst við standa okkur ótrúlega vel

Óvænt í byrjunarliði Íslands - „Svo mikill heiður"

þri 20. júlí 2021 23:18

Sæbjörn Þór Þórbergsson Steinke

Nik: Myndi frekar taka því að vinna bikarinn á þessum tímapunkti

Nik Chamberlain

Mynd: Fótbolti.net - Hafliði Breiðfjörð

„Við vorum inn í leiknum, þær skora svo í lok fyrri hálfleiks og svo drepur þriðja markið þeirra leikinn. Það eina sem fer í taugarnar á mér í dag er með hvaða hætti við töpuðum. Eftir það fór trúin og við biðum eftir lokaflautinu. Ég verð að gefa Val það að þær sáu möguleikann og gerðu út um okkar möguleika í leiknum," sagði Nik Anthony Chamberlain, þjálfari Þróttar, eftir stórt tap gegn Val í kvöld.

Lestu um leikinn: Valur 6 - 1 Þróttur R.

„Ég var ánægður með fyrri hálfleikinn og við hefðum getað nýtt okkur sum svæði betur. Vonandi sjá leikmenn að þeir þurfa að vera meira vakandi í leikjum því gegn bestu liðunum þá færðu opnanir en þú verður að sjá þær og nýta þær. Það voru nokkrir möguleikar en við tókum þá ekki. Í upphafi seinni var enn möguleiki en þriðja markið þeirra fer með alla möguleika."

Nik var spurður hvort að sitt lið gæti lært af mistökunum úr þessum leik.

„Auðvitað, það er það sem við munum gera. Ég hef ekki áhyggjur af þessum mistökum, við verðum mun betri í föstum leikatriðum (í næsta leik). Það eru ekki mörg lið sem hafa jafnmörg vopn og Valur er með og ég hef ekki það miklar áhyggjur að þetta tap hafi of mikil áhrif."

Hann var einnig spurður út í bikarúrslitaleikinn sem verður spilaður í október eftir að deildinni lýkur.

„Það var eini tíminn sem var laus nema við hefðum getað spilað núna um Verslunarmannahelgina en það mun aldrei gerast. Við vissum frá upphafi að leikurinn yrði þá. Frá mér séð þá lengir þetta bara tímabilið og gefur okkur tvær og hálfa viku til að einbeita okkur að Breiðablik sem við myndum venjulega ekki fá. Vonandi hjálpar það okkur."

Eruð þið með markmið í deildinni þegar kemur að því að ná ákveðnu sæti?

„Fyrir okkur snýst þetta um að halda okkur á lífi í deildinni. Ég held að við séum sigri eða tveimur frá því og leikurinn gegn Keflavík í næstu viku er risastór. Svo sjáum við bara til. Á þessum tímapuntki, Í hreinskilni, myndi ég frekar taka því að vinna bikarinn og enda í áttunda sæti heldur en að enda í 3. sæti," sagði Nik.

Viðtalið í heild má sjá í spilaranum hér að ofan.