Spánn um helgina - Eiga að vera skyldusigrar

Það er heil umferð í La Liga um helgina og hefst hún með leik Espanyol og Real Betis í kvöld. Betis hefur komið mjög á óvart og er í þriðja sæti, en á meðan er Espanyol um miðja deild.

Það eru fjórir leikir á mogun og er sá síðasti sá áhugaverðasti; Atletico Madrid, sem hefur átt í vandræðum upp á síðkastið, mætir Valencia. Það er ekki hægt að segja að Valencia hafi verið að spila vel og hefur liðið tapað tveimur af síðustu þremur deildarleikjum sínum. Atletico er í fjórða sæti og Valencia í níunda sæti.

Real, sem er á toppnum með fjögurra stiga forskot á Sevilla í öðru sæti, mætir Elche og á það að vera skyldusigur á Santiago Bernabeu. Barcelona fer í heimsókn til Alaves í lokaleik helgarinnar. Það á að vera skyldusigur fyrir Börsunga, sem hafa valdið vonbrigðum á tímabilinu.

föstudagur 21. janúar
20:00 Espanyol - Betis

laugardagur 22. janúar
13:00 Levante - Cadiz
15:15 Villarreal - Mallorca
17:30 Sevilla - Celta
20:00 Atletico Madrid - Valencia

sunnudagur 23. janúar
13:00 Granada CF - Osasuna
15:15 Real Madrid - Elche
17:30 Real Sociedad - Getafe
17:30 Vallecano - Athletic
20:00 Alaves - Barcelona