Grótta hefur fengið kanadískan miðjumann til liðs við sig fyrir átökin í Lengjudeild kvenna í sumar.
Hún heitir Emily Amano og er fædd árið 2000. Hún kemur til liðsins frá sænska félaginu Umea IK FF.
Þar á undan var hún í Golgate háskólanum í New York þar sem hún spilaði fótbolta og var lykilmaður liðsins.
„Emily er mjög tæknilega góður miðjumaður og getur bæði spilað sem sóknarsinnaður eða varnarsinnaður miðjumaður. Emily fékk frábær meðmæli frá Svíþjóð þar sem hún var lykilleikmaður í sterkri deild. Það verður afar spennandi að fylgjast með Emily í sumar.“ sagði Matthías Guðmundsson þjálfari Gróttu.
Grótta hafnaði í 4. sæti í Lengjudeildinni síðasta sumar.
Athugasemdir
